CINCTUS Gabinus fuit

CINCTUS Gabinus fuit
cum Togae lacinia laevo brachio subducta, in tergum reiciebatur, ac retrahebatur ad pectus atque ita in nodum colligabatur, ut togam contraheret, et breviorem ac strictiorem redderet. Eius origo haec: Cum Toga logum ac redundans vestimentum esset, et ideo pugnae non accommodum, repentinâ, ut notat Servius, spud Gabios hostium incursione, cum non esset tempus deponendi togas, ac sumendi chlamydes, subductam ac retro reiectam Togae laciniam hinc inde revocantes ad pectus, se eâ incinxerunt, five succinxerunt: qui mos postea servatus in sacris, et cum Consul Ianum referaret, aut Imperartor in bello praetextam sumeret, quae hôc ritu incingebatur, aut Praetor mappam Circensibus mitteret: atque hôc habitu statua Lepido posita est. Itaque hic Togae cinctus non communis aut civilis, sed militaris, cuius origo e militia et usus initio tantum in militia fuit. Hôc sensu apud Plut. Coriolano, Romani in acie Togam praecingere: et apud Appianum in Punicis, Scipio post devictum Annibalem spolia crematurus, διαζωσάμενος accinctus fuisse dicitur. Val. quoque Max. l. 2. c. 7. ex. 9. de Titio cohortis praefecto fugituro loquens: His praefectum, inquit, ignominiae generibus affecit, iussit cum togâ laciniis abscissis amictum discinctâque tunicâ nudis pedibus adesse, i. e. togâ ita decurtatâ, ut cingi more militari non posset. Togam autem prius subduci deinde cingi, ostendit Appianus, Civil. l. 2. loquens de Antonio in Caesaris funere satagente: His dictis, inquit, quasi fanaticus ἐςθῆτα ἀνεσύρατο καὶ περιζωσάμενος, ut esset expeditior, subductam togam accingens. Meminit Cinctus huius Gabini Virg. l. 7. Aen. v. 612.
Ipse Quirinali trabeâ, cinctuque Gabinô
Insignis reserat stridentia limina Consul.
Vide Octav. Ferrarium, de re Vestiar. l. 1. c. 15. et infra Praetor.

Hofmann J. Lexicon universale. 1698.

Look at other dictionaries:

  • TOGA — Graecis Τήβεννος, Romanum tegmen, ipsis Quiritibus longe vetustior. Circummeâsse enim a Pelasgis ad Lydos, a Lydis ad Romanos, auctor est Tertull. de Pallio: et cum Suida Artemidorus eius originem ab Temeno arcade deducunt; qui ad Ionii maris… …   Hofmann J. Lexicon universale

  • PRAETOR — variae de hoc auctorum sententiae. Sunt enim, qui hoc nomine primum appellatos Consules dicunt, atque ita a Praeeundo deductum Praetoris nomen. Sed enim distinguere hunc a Consulib. videntur 12. Tabb. leges apud Cicer. l. 3. de Legg. Regio… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.